Minek pozdorovtne

Abramov Kuźma Grigoŕevičneń, prozaikenteń dï dramaturgonteń — 90. Čačś son 1914 ijeń sundeŕkovoń 12 čistë Mordovijań Bereznikeń bujeń Erźań Najman velesë. Śormadś romant: «Najman», «Lomantne tejevsť malaćeks», «Kačamoń pačk», «Erźań ćora», «Purgaz», «Oľačiń kis», «Veleń tejterť». Teatraso, televidenijaso putnevsť pesanzo: «Eŕvanť esenzë ormazo», «Vasoldoń inže», «Kavaloń pizë». Tede baška lissť kniganzo: «Stihť», «Kosï rusïje», «Rator lejga» dï lijat. K. G. Abramovoń vakss erźań literaturasonť, prozasonť dï dramaturgijasonť talantoń dï lamočiń tejemań koŕas putoms a kiń.

    

Meľvanoviks Kuźma Grigoŕevič! Śukońatano erźań literaturanteń pokštojak pokš kandoź kanstonť kis. Arseťano teť paro jožo dï meľsparoń kortamot mizolksoń kaznića čipajenť marto. Paroń arseź «Erźań Mastor» gazetanť teićanzo dï lovnïćanzo.