Varmanť karšo moleź

Ožokovoń 5-će čistë Respublikań Puškinëń lemsë bibliotekaso jutavtovś gazetań kemeń ijeń topodemanteń altaź promks. Panžize redaktoroś Četvergov Jevgenij. Son jovtaś źarïja valt «Em»-ť ušodomadonzo dï terdinze sćena langs «vasenćetneń»: Anošoń Tumaj (Anoškin Nikolaj) — Lukojanoń bujeń Erźań kuľturań muzejeń pŕavt; Kšumanćań Pirguž (Musaľov Grigorij) — ińazor, erźań keleń idema Fondoń pŕavt; Šaronov Aleksandr — «Erźań Mastoroń» vasenće redaktor, «Mastorava» eposonť teićazo, filologijań doktor; Bikkinin Irek — «Jaktašlar» vejsëńďavksoń pŕavt, «Svoboda» radioń korrespondent; Ľubajev Pavel — Mordovijań zaslužennoj poët, Kazakov Petr, kuľturań zaslužennoj važodića.

Parot arsesť gazetanteń, jovtaztnede baška: Devätkin Valentin, melenť — eŕavi panžoms gazeta — maksïćazo, erźań keleń idema Fondoń Pŕavtkuroń važodića; Gordejeva Ľudmila — Erźańdï Mokšoń literaturań muzejeń pŕavt; Kelin Ivan — Mordovijań knigań noldamoń teveń pŕavt; Respublikań pŕavtkuronť peľde Luzgin Aleksandr — naćijań tevtneń koŕas Komitetëń pŕavt; Stoľarov Anatolij — pečateń dï informaćijań ministranť polavtïćazo.

Erźań žurnaltnëń dï gazetanť peľde kortasť: Razguľajeva Taťana — «Śatko» žurnaloń redaktoronť polavtïćazo; Kovaleva Taťana — žurnalistka, Mordovijań dï Rossijań kuľturań zaslužennoj važodića; Ščankina Raisa — «Erźań pravda» gazetań korrespondentëś.

Mordovijań pŕavtnëń peľde sïćatne dï lijatne kazsť źarïja pitnej kazneť.

Pŕadoma valt jovtaś Kšumanćań Pirguž. Lezdïćatneneń kazś šnamo lopat.

Mazïlgavtïź jubilejenť «Kelu» ansambľanť erźań gajgića moronzo.