Vengrań, Suomiń, Estëń Kučozejtne (posoltnë) sakšnosť Saran ošov

Aštemkovoń 10-12 čitnestë Mordovijasoľť Rossijaso Črezvïčajnojeń dï Polnomočijań Kučozejtne: Vengrań — Ferenc Kontra, Suomiń — Rene Ńuberg, Estëń — Karin Jaani. Vasenće bažamost: sede lamo dï domkasto sodams erźatnede dï mokšotnede, esest seľmsë nejems nejeń škań eŕamost, mujems martost nardev śulmavkst ekonomikaso dï kuľturaso.

Malaviks raśkeń inžetne vastnevsť Merkuškin Nikolaj, Mordovijań Pŕavtonť, dï Ogaŕov lemsë universitetëń filologijań fakuľtetëń tonavtïćatneń marto. Tesë kunsolïź maďaroń (vengrań), suomiń dï estëń keľtneń tonavtnemadost javoľavtomatneń.

Kučozejtneń meľs tuś Šajgovań bujeń Tašto Terizmorga velev jakamoś. Čokšne sïń uľnesť Jaušev Illarion lemsë teatraso, vansť-kunsolosť erźań dï mokšoń keľsë konćert.