Nuŕka morïneť

Verepesë — sodov kudot, Alopesë — čalgamot. Homań konďat ćotmar sudot Velenť ejsë alamot. Suďavoľťa paro lomanť, Merevlinek: «Ladna». A nej sudiť čavo pŕatne, Kirdemskak dosadna. Verepestë sï pizeme, Sï pizemeś vijevstë. Iśak čokšnë moń alužom Kortaś marton ireďstë. Kanikulanok jutasť, Tago tonavtnemaś saś. Karmatano bažamo Anśak veteť kundamo. Morïń, morïń — čapaśkadïń, Čuŕka sëviń — sedejak. Trantasonť kiľdija Dï Najmanov pstidija. Aďa, jalgaj, kišťano, Mezdejak a pišťano. Kadïk lomanť suďasamiź — Kidejak a vizdťano! Mon kišteme maštan, Moramojak maštan. Anśak, jalgat, tonavtnemstë Ovto ladso šaštan. Pando pŕaso kassï kuz, Son isťamo sërej. Śomkoń Ťuma, teke tuz, Pengejak a keri. Mikoľ, morak, Mikoľ, morak, Garmonijaś tonseť. Koda karmat uŕvakstomo, Sajemaka monseń. Maŕa sovseś lomań pires, Tosto salaś čuŕkat. Noškstaś čijeź — keverś kireks, Eh, piľgenzë nuŕkat! Vaj, jalginem, rizksëm lamo, Kov mon zńaroń tejsïń? Užo vejkenť jortssa kalmos, A omboćenť seźsa. Verepestë Alopev Čavo paŕkat keveriť. Eŕva nolgov od ćoranteń Paro teteŕ eŕavi. Te kodamo šajťan liśma: Čuvan, čuvan — veď araś. Te kodamo šajťan aluž: Učan, učan — son araś. Pando pŕaso ašti krandaz, Aškstonť seľvedť petniť. Mon arsiń: alužom «vaz», Son, prok seja, mekni.