Urok nadeždï

Mordovija. Mokšalej vele. Tesë, davolkovoń 4 čistë, jutavtozeľ promks: «Koda vanstoms-kastoms erźań kelenť». Sakšnosť Čaunzań bujeń erźań keleń školań tonavtïćatne, kuľturań učreždenijań važodićatne. Seminaronť anokstïź-jutavtïź: Fedośkina A. P. — Mokšalejeń školań direktoroś, Sïrkin V. I. — bujeń sodamočiń kuroń pŕavtoś, Judina L. P. — bujeń kuľturań kuroń pŕavtoś, Samïlkin D. D. — Mokšalej veleń pŕavtoś, Sïrkin V. A. — «Digaľa» ansambľań pŕavtoś, Cïpina Ju. S. — Erźa dï Mokša raśketneń Topavtïća komitetëń pŕavtoś, dï lijatat.

Sakšnoś delegaćija Saran ošsto: Musaľov G. D. — erźań keleń idema Fondoń pŕavtoś, professortnë — D. V. Cïgankin (čačś-kasś Mokšalejsë), Poľakov O. Je., Jakunčev M. A. dï Abramov V. K., Ščankin N. S. — respublikań naćionaľnoj komitetëń spećialist, V. V. Filippov — sodamočiń ministerstvań spećialist.

Jutavtovsť panžado urokt. Sïndest mejle — «kiŕks stoľ». Erźań keleń tonavtïćatne, Saransto sïćatne dï lijatne eŕva jondo vannïź školaso tejevićanť, asatïkstnëń. Vese rediź: školań klasstnësë dï koridortnësë pongavtomkatne śormadoź erźaks; ejkakštnë vese kortïť vańks erźań keľsë. Mokšalejeń školań tonavtïćatneneń ejkakštnëneń eś keleń večkemań jožoń raštamoń kis maksť paro pitne. Teneń meľ javiť sodamočiń (Sïrkin V. I.) dï kuľturań (Judina L. P) kurotnejak.

Erźań kelenť jožozo vannovś eŕva jondo. Sekskak jutko škavtomo kortamoś moľś 10 čassto sajeź 17 časos.

Lamoń meľs tuś ejkakštnëń dï tonavtïćatneń vijsë putoź konćertëś. Gajgeź gajgsť morot, stihť, sćenkat…

Isťat vastnevematneń jutavtomat vese bujetnesë. Te kandï avoľ viška lezë erźań dï mokšoń keľtneń vanstomań teventeń.

Kšumanćań Pirguž