Mujeź ine Eŕźań skuľpturanzo

Avoľ umok Moskovoń skuľptoroś Mihail Iľajev uľneś Argentinaso, koso vešneś Stepan Eŕźań proizvedenijanzo. Sonenzë mujevsť źarïja skuľpturat, konatne źars arasť minek katalogtnesë dï Rossijań, Jevropań iskusstvovedtnë źars ezť sodajak ejstëst.

Iľajev pingenzë perť tonavtneś Eŕźań tvorčestvanzo, veťaś koŕazonzo propaganda. Źarïjaksť uľneś Argentinaso. Kolońgemeń ijeń perť son purnaś skuľptordonť pek śupav arhiv, konań altïze kulomadonzo mejle kadoms Mordovijań izobraziteľnoj iskusstvań muzejenteń.

Mejeľćede Iľajev uľneś Argentinaso tededeń kizna, vastnevś Rossijań posolonť Jevgenij Astahovoń marto, konaś maksś tenzë Eŕźań proizvede-nijań a umok jutavtoź vïstavkastonť katalog, lamo kollekćionerëń adrest. Dï koda divazevś Iľajev, źardo karmaś sodamo: vïstavkasonť sede lamo proizvedenijatnede Rossijań kuľturnoj mirëś dï iskusstvovedtnë, mezejak a sodïť.

Iľajev vastnevś pek lamo esest kollekćijań azortnëń marto, tagojak muś keďstëst Stepan Eŕźań 6 robotat. Sïń araseľť Astahovoń maksovt katalogsonťkak. Vejkeś ejstëst «Kosec» — (tikše ledića), skuľpturaś valoź bronzasto 1909-će ijestë. Eŕva skuľpturaś — alkuksoń proizvedenija, pitnest lovoviť lamo tïščat dollarso.

Moskovoń skuľptoronť M. Iľajeveń uli pokš melezë sams Saranov lovnomo ine Eŕźado lekćijat, jevtnems Mordovijań erićatneneń sonzë koŕas vesemedenť, meze taštaś pingenzë perť.