Ineškipaz, Verečipaz!

Ineškipaz, Verečipaz! Ton, marićaś, koda tikše kasï, Ton, neićaś, koda pešte panži, Nejemiź, maŕamiź! Śukońatano piľgezëť, Pškadťano valdo ojmezëť, Verev kepeďsïnek kedenek, Mastorov noldasïnek śukpŕanok. Oznotano erićanok kis, Oznotano raśkenek kis, Eńaldtano ejdenek kis, Pakśaso videzenť kis, Kardazso rakšanok kis. Ineškipaz! Makst tenek Sëťme, lembe pizemeť, Čačost-kasost śuronok, Kasost-kepedevest ťakanok, Raštïćat ulest avanok. Makst Mastoronteń laďamo, Vejke-vejkeń večkema. Liśmaks parot lisezë, Lejeks eŕmeť čudezë. Kenkšpŕavajak sovazo, Kenkšalgajak jutazo. Miń Toneť — Šumbra kši! Ton minenek — šumbrači! Paz čangodť! Paz čangodť! Paz čangodť!