Vejsëńďavksoń pŕavtnëneń

Bezajev M. I, “Jalgat” (N-Novgorod); Gorbačöva M. V., Nkc (Penza); Dmitrijev S. D., “Erźań ojme” (Moskov); Krïmkin M. I., Nka (Uľanovsk); Sedojkin P. P., Nkc (Čuvažoń Mastor); Suľdin V. M., “Mastorava” (Samara); Čaturov P. F., Safun (Saratov)

Meľvanoviks ojat-jalgat! Sodatado, erźań, mokšoń dï lija raśketneń kelest-kuľturast idemań tevsënť vesemede pokš, nardev nežeks kadovi kuľań (informaćijań) sravtnemaś gazetatneń, žurnaltnëń, radionť dï televidenijanť veľde. Minek keďsë kirdevi kadïk avoľ pokške, jalateke vlasť — “Erźań Mastor” gazetaś. Beŕaneś vejke — sajems lezë sonzë veľde a pravttano. Sondenzë baška kuľań sravtnemań vejsëń sredstvanok, lovodo, arasť. Anśak sonzë veľde jovtnevi kekšeź istorijadonok, keľdenek, kelejstë jovtaź, kuľturadonok. Anśak sonzë, “Valdo ojme” dï “Jalgat” gazetatneń veľde kastovi, karmindeŕajť lamo lovnïćat, eś pŕań erźaks eli mokšoks maŕamoś (samosoznanijaś). Aparoś teńsë: teń eŕaviksëks koj-kiť a loviť, kiť gazetatneneń a kelejgavtïť. Mordovijaso 2003 ijestë śormadstomaś jutaś sede vadŕasto. Meze a meŕat tombaľkstnëde. Sede parste lovnïť “Em”-nť Samara jonksso. (Suľdin V. M.). Sïrgozeme karmaś, meze kecnevti, Penzaś (Gorbačöva M. V.). Beŕanť tevtne Uľanovsk jono (Krïmkin M. I.). Tov moliť anśak… vete ekzempľart! Pškalinek źarïjaksť, anśak ulavoś sïrk eź teje. Učotano sede paro rezuľtat Erźań Mastoronť jondojak (Bezajev M. I.). Lamot loviť veľmevtemaks kištematneń-moramotneń. Sïńgak eŕaviť. Anśak sval kirdema prevsë: eś keľsënzë dï esedenzë, eś istorijadonzo a lovnïća naćijaś — a naćija; gazetavtomo, TV-mo naćijaś naćijaks źardojak a tejevi. Čaŕkodink teń, putodo vij, śormadstovtodo “Erźań Mastoronť”!

Musaľov G. D., A. P. Ŕabov lemsë erźań keleń idema Fondoń pŕavtoś